Maitiro eMuchato weChiKatorike

Posted by MC on September 22, 2024
Posted in: Muteuro weMisa. Leave a comment

1        Pamberi peMisa

Mupriste: Muzita raBaba naMWanakomana naMweya Mutsvene.

Vose: Amen.

Mukwasha: Ndinokumbirawo chipo chomuchato.

Tete/Baba: Mutumbi wenyu uyu; tinokupai mukadzi wenyu.

Mupriste anoti kumukwasha

Mupristi: [Nhingi], unokumbirei kukirike raMwari?

Mukwasha: Ndinokumbira kuti imi, Baba, muve chapupu change. Ini, [Nhingi], ndinoda kupana sakaramende romuchato na[Nhingi] pameso penyu nhasi, vatenderi vose vachiona.

Mupristi: Chapupu chako ndiani chjinokupupurira kuti wataura izvi kwandiri vamwe vose vachinzwa?

Mukwasha: (achinongedza chapupu) Uyu, [Nhingi] ari pano, ndiye anondipupurira.

Mupristi: Ndizvo here nhai [Nhingi]?

Chapupu: Hongu, Baba.

Mupriste anoti kumuroora.

Mupristi: [Nhingi], unokumbirei kukirike raMwari?

Muroora: Ndinokumbira kuti imi, Baba, muve chapupu change. Ini, [Nhingi], ndinoda kupana sakaramende romuchato na[Nhingi] pameso penyu nhasi, vatenderi vose vachiona.

Mupristi: Chapupu chako ndiani chjinokupupurira kuti wataura izvi kwandiri vamwe vose vachinzwa?

Muroora: (achinongedza chapupu) Uyu, [Nhingi] ari pano, ndiye anondipupurira.

Mupristi: Ndizvo here nhai [Nhingi]?

Chapupu: Hongu, Baba.

Mupristi achitaurira vari kuzochata anoti:

Mupristi: Ini, Baba [Nhingi], ndabvuma kukupupurirai pamunopana sakaramende romuchato, muchipikirana kugara somurume nomukadzi dzamara mumwe afa.

Mupristi achitaurira vanhu vose anoti:

Mupristi: Vanhu vose muri pano, muri kuzvinzwawo here?

Vose: Hongu, Baba.

Zvino mupristi anoenda kuatari kunoita misa. Maitiro chaiwo omuchato anotevera mharidzo.

2        Tsanangudzo yemiko

Mberi kwemhiko dzomuchato mupristi anoti kuvachati:

Mupristi: Zvino mava kupana sakaramende romuchato nokutsidzirana kuchengeta mhiko idzi dzinoti:

  1. Kugara somurume nomukadzi kudzamara mumwe afa.
  2. Kuva murume womukadzi mumwechete, nomukadzi womurume mumwechete.
  3. Kurega zvose zvinosvibisa muchato.
  4. Kugaro batsirana kuchengeta mweya mukudanana.
  5. Kurera vana venyu nenzira inodikanwa naKristo.

3        Kugoverana mhiko dzomuchato

Mupristi anobvunza mukwasha achiti:

Mupristi: [Nhingi] unoda here, kutorana na[Nhingi], uyu ari pano kuti ave mukadzi wako nenzira inodikanwa naKristo?

Mukwasha: Hongu, Baba, ndinoda.

Mupristi anobvunza muroora achiti:

Mupristi: [Nhingi] unoda here, kutorana na[Nhingi], uyu ari pano kuti ave mukadzi wako nenzira inodikanwa naKristo?

Muroora: Hongu, Baba, ndinoda.

Mupristi anorayira vachati kuti vabatane norudyi, oti kuno muwani:

Mukwasha: Ini [Nhingi], ndinotorana newe [Nhingi], kuti uve mukadzi wangu, ndigare newe, ndichikuchengeta misi yose, kubvira nhasi uno, mukufara nomukutambudzika, muupfumi nomuurombo, mukusimba nomukurwara, dakara tiparadzaniswe norufu.

Muroora:  Ini [Nhingi], ndinotorana newe [Nhingi], kuti uve murume wangu, ndigare newe, ndichikuchengeta misi yose, kubvira nhasi uno, mukufara nomukutambudzika, muupfumi nomuurombo, mukusimba nomukurwara, dakara tiparadzaniswe norufu.

Vanoramba vakabatama maoko mupriste achiti:

Mupristi: Vabatanidzwa naMwari vasasunungurwe nomunhu + muzita raBaba, naMwanakomana, naMweya Mutsene. Amen.

4        Kukomborerwa kwamaringi

Zvino mupristi anomwaya mvura inoera obva azokumborera maringi.

Mupristi: Rubatsiro rwedu ruri muzita raTenzi.

Vose: Akasika denga napasi.

Mupristi: Tenzi donzwaiwo chichemo chedu.

Vose: Ngachiswikewo kwamuri.

Mupristi: Tenzi ngaave nemi.

Vose: Ngaave nemiwo.

Mupristi: Ngatinamatei: Komborerai + Tenzi, maringi aya atiri kukomborera + muzita renyu, kuti avo vanoapfeka vachengete mhiko dzavo, nokuteerera mitemo yenyu, nokuchengetana nechido. Ndizvo zvatinokumbira kwamuri, tichirevererwa naJesu Kristo, Tenzi wedu.

Vose: Amen.

5        Kupfekedzana maringi

Mupriste anopa murume ringi romukadzi, achirayira kuti arise pamunwe wakabatana nakasiyanwa koruoko rworuboshwe , achiti:

Mukwasha: Onai zvino mava mukadzi wangu, ndinokupai ringi iri, muripfeke misi yose sechiyeuchidzo chemhiko dzangu dzandakakutsidzirai, muzita raBaba, naMwanakomana, naMweya Mutsvene. Amen.

Mupriste anopa mukadzi ringi romurume, achirayira kuti arise pamunwe wakabatana nakasiyanwa koruoko rworuboshwe , achiti:

Mukwasha: Onai zvino mava murume wangu, ndinokupai ringi iri, muripfeke misi yose sechiyeuchidzo chemhiko dzangu dzandakakutsidzirai, muzita raBaba, naMwanakomana, naMweya Mutsvene. Amen.

6        Kunyorwa kwamazita mubhuku

Zvino mazita anonyorwa mubhuku romuchato, vanhu vose vachiona.

7        Kukomborerwa kwavachati

Mushure ma’Baba vedu’ munamato unotanga uchiti ‘Tinunurei, Baba’ unopfuurwa. Mupriste anokomborera vachati nemunamato unotevera.

Mupristi: Hama Baba, Musiki wavanhu akaita kuti mukadzi nomurume wechiposhi vasunge imba, vadana ne, vaite vana. Kubva panguva iyo nanhasi wose anokomborera vanochata. Kudanwa kwavo nokusunga imba kwavanoita chinhu chinoera, chinotifananidza nokudanana kunoita Kristo neKirike rake.

Hama dzadiwa, ngaikumbirei kunaMwari kuti akomborere vachati ava, vagare vachidanana rupenyu rwavo rwose (vachibatsirwa nomuviri neropa raKristo wavava kutambira).

Vose vanombonamata muchinyararire.

Kukomborera mukadzi

Mwari Baba vedu, garaiwo  muchichengeta mwana wenyu [Nhingi] nomukadzi wake [Nhingi] ari pano. Mukomborereiwo ave mukadzi anodanana nokugarisana nomurume wake zvakanaka. Mubatsireiwo kuva mukadzi anotendeseka anomugariro wakanaka saSara naRute naAna, nevamwe vadzimai vose vemuparishi rino vane mugariro unokufadzai.

Kukomborera murume

Garaiwo muchichengeta murume vake [Nhingi] ari pano, mukomborereiwo, adanane zvechokwadi nomukadzi wake, avimbe naye, azive kuti mwana waMwariwo saiye, amubate nomutoo kwawo nokumuda sokuda kunoita Kristo Kirike rake.

Kukomborerwa kwavaviri

Baba, batsiraiwo vana venyu ava kuchengeta mitemo yenyu. Itai kuti vave vatenderi vakatsiga, vave murume nokukadzi vasina ruchivachiva. Vapeiwo shungu dzokunyatsoziva dama renyu nokukwevera vamwe kwamuri nomugariro wavo wakanaka. (Vapeiwo mbereko, muvabatsire kuva vabereki vanoyarutsa vana vavo nomutoo kwawo. Itaiwo kuti vagare rupenyu rurefu, vaone vana vevana vavo). Itaiwo kuti kana nguva yavo yasvika, vazofara nemi pamwe nevamwe vose vari kudenga kwemisi isingaperi. Amen.

8        Kukomborera keke

Tenzi wedu Jesu Kristu, chingwa choupenyu husingapesi, tinokumbira kuti mukomborere keke iri ravachati vedu. Itai kuti vaviri ava vachadya keke iri vave vamwechete panyama napamweya. Vapei upenyu hwakareba huzere nomufara, rugare nokuyanana.

Tenzi mupi womifaro yose, Gamuchirai keke iri rigova mucherechedzo wokubatana kwedu isu tose nemi uye nevamwe vedu. Flour yakashandiswa kugadzira keke iri hwaimbova hupfu hwakapararira hukazobatanidzwa kuva chinhu chimwechete chinotapira nokuunza mufaro. Naizvozvo vaviri ava vaimbova nohupenyu hwakasiyana itai kuti vauye pamwechete sekeke iri vaumbe chinhu chimwechete, vave nohupenyu huzere nomufaro nokubatana.

Svondo 25 reGore B

Posted by MC on September 22, 2024
Posted in: Gore B. Leave a comment

Jesu akati ari parwendo rwekuenda kuJerusarema ndokurukurirana navadzidzi vake zvaive pamwoyo pake, achivaudza zvaaive achanosangana nazvo. Akavataurira kuti akanga achazonoturirwa mumaoko avavengi vake uye kuti aive achazonourayiwa. Abva mukuudza vadzidzi vake mashoko akakosha kudai vakangoti vachingoti pesanei vadzidzi ndokutanga kuitirana nharo. Vakatanga kunetsana vachirwirana hukuru. Mumwe aiti ndini mukuru mumwe achiti hausiwe ndini. Mark haatiudze kuti nharo dzacho dzaiti kudii asi ndinofunga kuti Andrew aiti ndini mukuru nekuti ndini ndakatanga kuona Jesu. Pitawo achiti kwete ndini mukuru nekuti ndini ndakapihwa kii dzedenga. Judhasi achiti ndini ndakapihwa homwe yemari, ane mari ndiye mukuru zvichingodaro.

Zvisinei pavanopinda mune imwe imba Jesu anobvunza vadzidzi vake kuti nharo dzavo dzanga dziri pamusoro pei. Vadzidzi vanoramba vakanyarara. Vanonyarara nekuti vaitaura zvinonyadzisa zvekurwira chigaro. Hatina here vatenderi vakadaro vanoita zvimwe zvinhu zvekuti ukavabvunza uti manga muchiitei vanyarara nekuti zvinonyadzisa? Baba vemwana manga muchiitei kwamanga muri zvamauya kwadoka kudai? Hamunyarare here kana kutoita hasha nekuti zvamanga muchiita zvinonyadzisa. Nhai mwana wangu wanga uchiitei kwawanga uri. Nhai mhai manga muchitaura kuti kudii kwamanga maenda?

Vadzidzi pavakauya pamberi paJesu vakatadza kudzokorora zvavaitaura nekuti zvakanga zvisiri zvinhu zvakanaka zvaive zvinhu zvakaipa. Isu kana tichida kuona kuti zvatiri kuita kana kuti zvatiri kutaura zvakanaka here tinofanira kuzviunza pamberi paJesu. Usati waita chinhu unofanira kuzvibvunza kuti koJesu akandibvunza kuti apa wanga uchiitei ndinoti kudii? Ndinonyarara here nekuti zvinonyadzisa kana kuti ndinotaura ndakasununguka? Jesu akandibvunza kuti wanga uchitaura kuti kudii ndinoti kudii?

LESSON TWO

Tati isu vadzidzi vairwira zvigaro. Jesu haana kufadzwa negakava ravo. Tinoona kuti Jesu haana kufadzwa nekuti akadana vadzidzi vake ndokugara pasi. muchiJudha panguva iyoyo mudzidzisi aiti akadana vadzidzi vake ogara pasi ainge aine chinhu chakakosha zvikuru chiri serious chaanoda kuvadzidzisa. Saka Jesu akavadana ndokugara pasi achibva avati, “ANODA KUVA WOKUTANGA PAKATI PENYU NGAAVE WOKUPEDZISIRA.” NEIMWE NZIRA MBIRI YEHUMAMBO HWEDENGA HAIWANIKWE NEKUZVITUNGAMIDZA KWETE, INOWANIKWA NEKUZVIDUKUPISA. MBIRI YEHUMAMBO HWEDENGA HAIWANIKWE NEKUKARIRA CHIGARO KWETE, INOWANIKWA NEKUSHANDIRA (SERVICE). Munhu wose anoda kuwana mbiri yakanaka anofanira kuzvibvunza, kwete kuti “NDINGASHANDISE SEI CHIGARO CHANGU MUHURUMENDE KUZVIWANIRA ZVANDINODA INI” ASI KUTI “NDINGASHANDISE SEI MATARENDA ANGU ZVIPO ZVANGU KUSHANDIRA HURUMENDE.” Kwete kuti “ndingashandise sei chigaro changu muparish, muchita kuzviwanira zvandinoda ini asi kuti ndingashandise sei matarenda angu zvipo zvangu kushandira kirike.

Pfungwa yekushandira

Tose tikava nepfungwa yekushandira pane kuzvifunga nyika yedu inobudirira, parish yedu inobudirira. Kana mumwe nemumwe wedu akava nepfungwa iyoyi yekushandira hurumende pane kushandirwa nehurumende matambudziko ehupfumi atakasangana nawo anopera. Kurwisana pamusoro pezvematongerwo enyika kunopera. Kunyange muchechi chaimo kana mumwe nemumwe wedu akava nemweya wekushandira kirike pane kushandirwa nekirike kurwira zvigaro, makakava nekufungirana kunopera.

Padheretosi

Asi tikatarira tinoona kuti vashoma vanhu vane mweya iwoyo wekushandira kirike pane kushandirwa nekirike, kushandira hurumende pane kushandirwa nehurumende. MaGiriki ane rungano rwemumwe murume anonzi Padheretosi aigara muguta reSpata. Muguta iri makaitwa sarudzo dzekutsvaga vanhu gumi vaizotungamirira guta iri (magoverners). Sarudzo dzapera kuitwa mavotes akaverengwa asi zita raPadheretosi harina kusheedzerwa pavanhu gumi vakasarudzwa. Shamwari yaPadheretosi yakauya kwaari yakashatirwa zvikanzi, “Vanhu vemuno muSpata marema, varasikirwa nehunyadzvi hwako hwekugona kutungamirira.” Padheretosi akapindura shamwari yake achiti, “ini ndafara shamwari nekuti muSpata mune vanhu gumi vari nani kupinda ini.”

Vangani vane mweya iwoyu wekuti kana ndichinge ndakundwa musarudzo ndinoti ndafara nekuti pane mumwe ari nani kupinda ini? Vangani muno vanoti kana vadyiwa pamakwikwi ekusarudza parish chairperson voti ndafara nekuti muno muparish mune vamwe vari nani kupinda ini. Kunyange ndisina kusarudzwa kuita mukuru wekwaya ndafara nekuti kune vamwe vari nani kupinda ini.

LESSON THERE (3)

Jesu apedza kutsiura vadzidzi vake kuti musarwire zvigaro, anotora kamwana okaisa pakati pavo oti ani naani anogamuchira kamwana sakaka anogamuchira ini uye anogamuchira nyakundituma. Sokuziva kwatinoita kamwana kadiki kamunhu kasina simba kasina influence, kamunhu kasingagone kuzviitira zvinhu zvakawanda asi kanotoda kuitirwa, kamunhu kasingagone kupa asi kanotoda kupihwa. Saka Jesu kana achiti munofanira kugamuchira kamwana kadiki anoreva kuti MUNOFANIRA KUGAMUCHIRA VAROMBO, VANHU NHANDO. MUNOFANIRA KUGAMUCHIRA VANHU VAKADAI NEKUTI HAVANA SIMBA, HAVAGONE KUZVIITIRA ZVAKAWANDA VANOTODA KUITIRWA, HAVAGONE KUPA VANOTODA KUPIHWA. Mukagamuchira vanhu vakadai munenge muchitogamuchira Kristo pachake uye Mwari.

Yambiro huru kunesu vatenderi ndeyekuti tisangofarira kugamuchira vanhu vane zvigaro zvapamusoro, vanhu vane zvinhu zvavo vanhu vanotiitira zvinhu zvakanaka. Zviri nyore zvikuru sei kana uri mutungamiriri kuteerera mazano avapfumi avarombo achingorasirwa kure, kuteerera zvichemo zvavapfumi zvavarombo zvichingosendekwa. Kana muzviitiko chaimo zviri nyore kuenda kune vanhu vanazvo tichisiya kune vasina. Kuenda munhamo dzevanazvo tichisiya dzevasina.

Svondo 15 ReGore B

Posted by MC on July 11, 2024
Posted in: Gore B. Leave a comment

Zviverengo zvedu zvanhasi zviri pamusoro pemasarudziro anoitwa vanhu naMweari kuti vave vaPorofita.

1        Chiverengo chokutanga

MuChidzidzo chokutanga tinonzwa nezva Amosi Muporofita. Kazhinji patinofunga nezvevaporofita tinofunga nezvevanhu vakazvarwa vari vaporofita, vanhu vakaita sana Samueri, Eriya, Dhaviti, Nathani naGhadhi, kana avo vakanyora mubhuku ane mukurumbira vakaita sana Izaya, Jeremiya naEzekieri.

Azi izvi handizvo nguva dzose. Amosi aiva muporofita akasiyana. Haana kuzvarwa ari muporofita. Akatanga ari garden boy, uye achifudza mbudzi. Akatanga ari munhu nhando. Asi Mwari akamudana akadaro kuti andoporofita kuhumambo hwekumaodzanyemba. Vana veIziraeri vaive vapatsanurana kuita mapoka maviri, umambo hwaIziraeri hwaive neguta guru rinonzi Betheri nehumambo hwaJudha hwaiva neguta guru rainzi Jerusarema. Amosi aigara muhumambo hweJudha asi imba yake yaiva pabhodha. Mwari akamudana kuti ayambuke bhodha anoparidzira kuhumambo hwaIziraeri.

Vagari vehumambo hwaJudha, hwekuchamhembe vaive kababudirira. Nokuda kwehupfumi hwavo vakatanga kufuratira Mwari vachinamata zvifananidzo. Vatungamiriri vezvematongerwo enyika pamwe nevafundisi vakatanga kuteera tsika dzakashata dzevatorwa. Panguva yakadai Amosi ndipo paanotumwa naMwari kuti ayambire vagari veIziraeri nezvekutongwa kwavo pamusana pamatadzo avo. Mumwe mufundisi ainzi Amaziya anomuvinga achida kumunyaradza nokuti aitadziza vanhu kudya. Anoti dzokera kumusha kwenyu siyana nesu. Asi Amosi anoramba kunyaradzwa nokuti anoti handina kutumwa nomunhu, ndakatumwa naMwari. Anoti ndiri munhu nhando ane daidzo inobva kuna Mwari.

2        Dama Rakanaka

Dama Rakanaka riri pamusoro pekutumwa kwavadzidzi kunoparidza humambo hwedenga. Jesu anogoverana navo simba rake. Anovapa simba rokudzinga mweya yakaipa. Anovapa simba rokurapa vanorwara. Dama Rakanaka rinoti, “vakaenda vakanoparidza nezvokutendeuka. Vadzidzi vakadzinga mweya yakaipa, vakazodza vairwara nokuvaporesa.

2.1     Madhimoni

Madhimoni ari kurehwa

  • Madhimoni ehurombo – hurombo hunoshungurudza vazhinji, vaduku navakuru.
  • Madhimoni ekushaya njere – madhimoni aya anoisa vanhu muhusungwa nemusima rekurendera zvisina maaturo.
  • Madhimoni ehondo – ekufunga kuti zvinhu zvose zvinogadziriswa nepfuti nemhirizhonga.

2.2     Urwere

Urwere hworuvengo

Urwere hwokuda zvapasi

Urwere hwokuraradza

Urwere hweuchapa nounzenza

2.3     Uipi

Pane vazhinji

  • vari kunetsana semukomana nemusikana
  • Vari kunetsana mumuchato mavo
  • Vari kurwara namatenda akasiyana-siyana
  • Vane zviri kuvanetsa mupfungwa.

Vadzidzi vakapihwa basa iri. Isu tinopihwa basa iri. Iwe unopihwa basa iri.

3        Chidzidzo chechipiri

Tsamba kuVaEfeso inoti, “Ngaarumbidzwe Mwari Baba vaTenzi wedu Jesu Kristu, iye akatiropafadza muchadenga nokuropafadza kwose kwomweya muna Kristu Jesu. Nokuti akatisarudza maari nyika isati yasikwa kuti tive vatsvene vasina chavanopomerwa pamberi pake.”

Takasarudzwa naMwari. SaAmosi takasarudzwa kuti tive vaporofita vaMwari. Muporofita munhu anotaura chokwadi. Tinofanira kuparidza chokwadi chaMwari.

Savadzidzi vanegumi takadanirwa kuti tidzinge madhimoni. Madhimoni api. Madhimoni ekutya, nhema, unyengedzi, kuda zvinhu, urwere nezvimwe. Tinofanira kutaura chokwadi. Izvi ndizvo zvatakadaidzirwa.

Hatidanirwe kuti tizviwanire chouviri. Hatifanire kushandisa chitendero kuzvipfumisa kwete. Tinofanira kuva nechinangwa chimwe chokuparidza chokwadi.

Hatidanirwe kuti tiparidze zvomupfungwa dzedu kwete, asi kuparidza shoko raKristo. Shoko raKristo ishoko roruregerero, ishoko rorudo, ishoko romwoyo chena.

Maitiro pfugamiro

Posted by MC on July 11, 2024
Posted in: Manovhena. Leave a comment

Rwiyo runoimbwa Mupristi kana mudhikoni achitora Sakaramende Rakakomborerwa tabhanekoro.

Vose vanopfugama

Munamato kuSakaramende Rakakomborerwa

Tenzi wangu Jesu Kristu, 

Nokuda kwerudo rwamunarwo kwatiri,

Munoramba muri musakarAmenide iri siku nesikati, Muchidana nokugashira vose vanouya kusokushanyirai,

Ndinotendera kuti murimo muSakarAmenide rebisiro (Atari).

Ndinokunamatai kubva kutsi kweunhando hwangu, Uye ndinokutendai nezvipo zvose zvamakandipa, Zvikuru nokundipa imi pachenyu musakarAmenide

iri,

Nekundipa mai venyu vatsvene  zvakanyanya semurevereri 

Nokundishevedza kuti ndikushanyirei mukereke ino.

Jesu wangu, ndinokudai nomwoyo wangu wose, Ndine urombo nokutadzira kwandakaita unaku hwenyu husingaverengeki.

Ndinotsidza kusambokutadzirai zvekare munguva

inotevera,

Uye zvino, nyange ndisingakodzeri, Ndinozvipa zvachose kwamuri. Ndinorasa zvido zvangu, zvidakadaka zvangu, 

Zvipango zvangu (madiro), nazvose zvandinazvo.

Kubva zvino zvichienda mberi ndinhadzirei,  nazvose zvose zvandinazvo, samadiro enyu. Chandinongokukumbirai uye chandinosumba Rudo rwenyu rutsvene,  utsungi hwakaperera  nokuzadzisa kuda kwenyu zvizere. Amen.

(Arifonzo Rigori)

Mira unamate muchinyararire

Mupriste kana mudhikoni anopfugama pamberi peatari vanhu vachiimba Tantum ergo.  Mushure merwiyo anoita munamato okomborera vanhu achiita mucherechedzo wemuchinjikwa neSakarambende dzvene.

Tantum ergo 

Tantum ergo Sacramenitum Veneremur cernui:

Et antiquum documentum Novo cedat ritui:

Præstet fides supplementum Sensuum defectui. 

Genitori, Genitoque

Laus et jubilatio,

Salus, honor, virtus quoque Sit et benedictio:

Procedenti ab utroque Compar sit laudatio.

Amen. 

Naizvozvo takaminama pamberi pake Tinoremekedza sakarAmenide iri guru:

Marudzi nemimvuri zvinemigumo yazvo,

Nekuti maitiro matsva ari pano; Chitendero, tichishamwaridza kunze, zvichijekesa maonero edu omukati.

Ngatipe mbiri, namakomborero, kunaBaba noMwanakomana, remekedzo, simba nekurumbidza tichiturira, misi isina mugumo ichimhanya; zvekare rudo rwake tichipupura iye anobva muna vose aina vose, ari mumwechete. Amen.

Mutungamiri: Makavapa chingwa chokudenga (Areruya)

Vose: Chingwa chizere nounaku (Areruya) Mutungamiri: Mwari, imi makatisiira sakarAmenide iri rinoshamisa sechiyeuchidzo (serutondedzo) chedambudziko (chejekenyedza) renyu, tigonesei kuremekedza nenji rinoera reMuviri neRopa renyu kuti tigoziva chiguro cheruponeso rwenyu muupenyu hwedu nguva dzose; munogara nokutonga nokusingaperi. Amen.

Madetembo takomborerwa Ngatirumbidzei Mwari.

Ngatirumbidzei zita rake dzvene.

Ngatirumbidzei zita raJesu.

Ngatirumbidzei mwoyo wake mutsvene kwazvo.

Ngatirumbidzei ropa rake rakakosha kwazvo.

Ngatirumbidzei Jesu musarakAmenide dzvene kwazvo reatari (rebisiro).

Ngatirumbidzei mweya waMariya wakasikwa usina mhaka.

Ngatirumbidzei kukwidzwa kwaMariya kudenga.

Ngatirumbidzei zita raMariya, mhandara namai. Ngatirumbidzei Josefi mutsvene, murume waMariya.

Ngatirumbidzei Mwari mukurumbidza kwatinoita vatumwa navatsvene vake.

Rwiyo rwokupedzisira

F. MINAMATO YENOVENA MUSHURE MEMISA

Posted by MC on July 11, 2024
Posted in: Manovhena. Leave a comment

Hama dzadiwa, taungana pamberi pomufananidzo waAmai voRubatsiro Rusingagumi kuti tinamate nokutenda Mwari Baba vedu vokudenga. Mwari akatiitira zvinhu zvikuru nomuna Mariya. Tinopupurawo Mariya nezvizvarwa zvose sanyakukomborerwa kwazvo.

Mariya akagamuchira nyasha dzaMweya Mutsvene akadavira nokutendeka kuna Mwari. Isu norumwe rutivi hatina kutendeka kurudo rwaMwari nokuda kokutadza kwedu. Norubatsiro rwake tinotsvaga ruyamuro rwokukurira matadzo edu. 

Munamato womhuri yaVakristu

Vose: Mai voRubatsiro Rusingagumi, noruvimbo rukurusa tinouya pamberi pomufananidzo wenyu mutsvene kuti tikurudzirwe nomuenzaniso weupenyu hwenyu. Tinokufungai panguva iya, zvamakanga muzere nechitendero noruvimbo (kunyinda), mukagamuchira daidzo yaMwari yokuva amai voMwanakomana wake. Tibatsirei isu, vana venyu, kugamuchira norufaro daidzo yedu muupenyu.

Pamakaziva kuti hama yenyu Erizabeti anoda rubatsiro makachimbidzoenda kunomubatsira. Tipei nyasha dzokubatsira vamwe tisingazvifunge sezvamakaita imi.

Panyasi pomuchinjikwa, makararama marwadzo oMwanakomana wenyu, mazuva matatu aitevera makazogoverana naye mufaro wokukunda kwake rutadzo norufu. Tibatsirei, amai, kugamuchira noushingi matambudziko namarwadzo oupenyu nekuvavarira tisinganete kuti tiwane mufaro wokukunda chivi nekusangana zvinetso zveupenyu.

Amen.

Mikumbiro yemhuri yaVakristu

Mutungamiri:  Mumwe  nemumwe  wedu  anounza  zvinangwa  z v a k e  nezvido  zvake. Ngatizvibatanidzei kuti zvinyatsonamatirwa  nokupirwa  k u n a  Jesu Kristu  kuburikidza nokurevererwa naamai vake Mariya vakakomborerwa.

(Mimwe mikumbiro yakafanogadzirwa inosumwa)

Vose: Mai voRubatsiro Rusingagumi, onai vana venyu tapfugama pamberi penyu. Munonyatsoziva kuti Mwanakomana wenyu anoda kugoverana nesu zvakadii michero yoRusununguko. Naizvozvo tinokukumbirai kuti murambe muchireverera vanhu vose kuti vagamuchire zvipo zvorugare neruwadzano. Mai vakakomborerwa, Mwanakomana wenyu akakupai kwatiri saamai veduwo.

Makasarudza kuti tikutii Mai voRubatsiro Rusingagumi. Norutendeseko rwokureverera kwenyu kune simba tinotarisira kugamuchira rudo rwenyu ruzere saamai dakara zuva raticharumbidza Mwari narini wose takabatana nemi navatumwa navatsvene.

Amen.

Madetembo

Mutungamiri: Mariya Mutsvene mwanasikana wadiwa waBaba. Daviro: Tireverereiwo

Mutungamiri: Mai vaJesu

Daviro: Tireverereiwo

Mutungamiri: Imba inoera yaMweya Mutsvene

Daviro: Tireverereiwo

Mutungamiri: Mai veSangano

Daviro: Tireverereiwo

Vose: Tenzi Jesu verudo, makatipa kuti tiremekedze mucherechedzo waamai venyu vakakomborerwa zvikuru une zita rakakosha rokuti ‘Rubatsiro Rusingagumi,’ Itai kuti nenyasha dzenyu, pakati peshanduko dzose dzerwendo rwoupenyu hwedu, tidzivirirwe norubatsiro nechengetedzo inogara iripo yaMariya Mhandara isina Rutadzo, kuti tikodzere kuwana mibayiro yoruponeso rusingagumi, imi munogara nokutonga naMwari Baba makabatana naMweya Mutsvene nokusingaperi. Amen.

Kukomborerwakwavarwere

MuPristi: Rubatsiro rwedu rwuri muzita raTenzi Daviro: Vakasika denga napasi.

MuPristi: Tenzi inzwaiwo minamato yedu.

Daviro: Kuchema kwedu kusvikewo kwamuri.

MuPristi: Tenzi ngaave nemi.

Daviro: Ngave nomweya wenyu.

MuPristi: Tenzi tarirai norupfave varanda venyu vanotambudzwa nourwere hwomuviri, pfungwa nomweya. Vanyaradzei mukutambura kwavo vagobatsirika nako kuburikidza nokuziva kuti nyasha dzenyu dzinorapa nekuponesa. Tinokukumbirai izvi nomune Mwanakomana wenyu Jesu Kristu, Tenzi wedu, anogara nokutonga pamwe nemi naMweya Mutsvene nokusingaperi. Amen. 

Chikomborero chokupedzisira

Tenzi Jesu Kristu ngaave nemi kuti akudzivirirei; ngaave mumwoyo yenyu kuti akukurudzirei; ngaafambe nemi kuti akudzivirirei;  ngaakudururirei makomborero ake.  +Muzita raBaba neroMwanakomana neraMweya Mutsvene. Amen.

D. NOVENA MUMISA

Posted by MC on July 11, 2024
Posted in: Manovhena. Leave a comment

Rwiyo rwedairo

(Mushure mechiverengo chokutanga)

Mutungamiri: Ngatichirumbidzai nekutenda Mwari namazwi akaiswa pamuromo paMariya.

Ini ndinokurumbidzai Tenzi nomwoyo wangu wose, mweya wanguwo unopemberera Mwari muponesi wangu,

Nokuti akatarisa netsiye nyoro murandanhando wake, 

Chionai, kubvira zvino marudzi ose achanditi munatswi, 

Nokuti Samasimba akandiitira zvinhu zvikuru, zita rake rinoera. Anonzwira tsitsi avo vanomutya, kubvira chizvarwa nechizvarwa,  Anoita zvina masimba noruoko rwake,  anoparadza vanozvikudza nendangariro dzemwoyo yavo.

Anobvisa vanyamasimba pazvigaro zvavo,  achisimudzira vanhunhando. Vane nzara anovagutsa nezvinhu zvakanaka,  vapfumi anovaendesa vasina. Akabatsira Isiraeri muranda wake, sezvaakatsidzira madzibaba edu. Akayeukawo tsitsi dzake kuna Abhurahamu nokuna vedzinza rake  nemisi isingaperi.

Mikumbiro yakasiyana-siyana

Tinokumbira Mariya kuti abatane nesu, patinotendeukira kuna Mwari mumunamato, tichifunga nezvezvido zvedu, zvido zveSangano nezvido zvevanhu vose vaMwari.

Dairo: Mariya Mhandara ngaatireverere Mutungamiri: Tinozvinamatira kuti tive nechivindi mukushungurudzika kwedu. D. Tinonamatira mhuri dzedu kuti dzimba dzedu dzive nzvimbo dzekugamuchirwa, kudiwa nekunzwisiswa. D.

Tinonamatira parishi yedu kuti tishandise zvipo zvedu kushandira Sangano. D. Tinonamatira Sangano redu kuti riropafadzwe navapristi navapikiri vakanaka. D. Tinonamatira pasirose kuti umambo hwaMwari hweruenzaniso, rugare nerufaro hupfakachire kwose kwose. D. 

Tinonamatira zvinangwa zvedu pachedu (ngatinamatei muchinyararire kwekamukowoko (kwekanguva]). D.

Munamato weNovena

Mutungamiri: Pamwechete ngatiitei munamato weNovena.

Vose: Mai voRubatsiro Rusingagumi, noruvimbo rukurusa tinouya pamberi pomufananidzo wenyu mutsvene kuti tikurudzirwe nomuenzaniso weupenyu hwenyu. Tinokufungai panguva iya, zvamakanga muzere nechitendero noruvimbo (kunyinda), mukagamuchira daidzo yaMwari yokuva amai voMwanakomana wake. Tibatsirei isu, vana venyu, kugamuchira norufaro daidzo yedu muupenyu.

Pamakaziva kuti hama yenyu Erizabeti yaida rubatsiro, makaenda pakarepo kunomubatsira. Tibatsireiwo, semi, kuitira vamwe hanya. 

Tinofunga nezvenyu, Amai, muri munyasi moMuchinjikwa. Moyo wenyu unofanira kuva wakabuda ropa muchiona mwanakomana wenyu achigungudzika. Asi mufaro wenyu waiva mukuru zvaakamuka muvafi, akunda huipi. 

Mai Vamarwadzo, tbatsirei mumiedzo nemukuodzwamoyo kwedu. Tibatsirei tisakondokwa. Ngatigoverane nemi noMWanakomana wenyu mufaro wokunge tatsungarara pakutarisana nembonano dzeupenyu. Amen.  

Munamato Wokutenda

Munamato uyu unoitwa mushure meMisa, parutumba rweMbenembe Yedu.

Vose: Mwari, Musiki wedu, tinokutendai nechipo cheupenyu nezvipo zvose zvomuzvarirwo wedu: pfungwa dzedu, njere dzedu, matarenda edu nerukwaniso rwedu. Tinokutendai nekutisika nomuenzaniso nemufananidzo wenyu uye nekutipa pasi rino kuti tipashandise nokupabudiririsa, kuparemekedza nekupakoshesa. 

Zvisinei nekukundikana kwedu, munoramba muchitiratidza rudo rwenyu nhasi nekuwedzera upenyu waMweya matiri patafura yeYukaristiya. 

Chekupedzisira, Baba, tinokutendai nokutipa Mariya amai voMwanakomana wenyu kuti vave Amai vedu voRubatsiro Rusingagumi, uye nokuda kwezvinhu zvose zvinofadza zvamakatiitira, zvikuru kutipa Mwanakomana wenyu Jesu kuti ave mununuri (mudzikinuri) wedu.

Tinovonga nemutsa wose watakagamuchira nokuda kwekutireverera kwavo. Tinonamata kuti ngoni dzose dzatakaratidzwa dzitikurudzire kuva noruvimbo rukuru rwenyasha dzerudo rwenyu nekutsvaga rutsigiro rwaAmai voRubatsiro Rusingagumi.

Amen.

E. NOVENA KUNZE KWEMISA

Munamato kuna Amai voRubatsiro Rusingagumi Mai voRubatsiro Rusingagumi zita renyu pacharo rinokurudzira. Tinouya pamberi pomufananidzo wenyu mukurumbidza nokutenda Mwari, tichitsvaga kurevererwa nemi kuna Jesu Mwanakomana wenyu, pazvipango zveupenyu hwedu nhasi. Tinopemberera umai hwenyu hutsvene patinopupura Jesu Kristu Tenzi neMununuri wedu.

Makapindura pamakadaidzwa kuva amai vaTenzi wedu. Tiwanireiwo nyasha dzokuva vapenyu mushevedzo yedu yekuombwekwa, zvikuru sei kumbundira Shoko roupenyu nokuremekedza upenyu hwose hwapasi.

Makashamiswa mwanakomana wenyu achikura muungwaru, ruzivo nemunyasha. Tireverereiwo kuti tigogamuchira Shoko raMwari muupenyu hwedu tigova vasvitsi veShoko Rakanaka kuvanhu vose. 

Makafadzwa Mwanakomana wenyu zvaairapa varwere. Revereraiwo varwere vedu kuti vagamuchire utano hwakanaka, uye vagozovawo varapi kune vamwe.

Makanakidzwa norugave Mwanakomana wenyu Mwanakomana wenyu zvaainyaradza vane dambudziko. Revererai vose vanotambura vagoziva kuti tinotakura mitoro yavo pamwe navo, uye nenzira iyi tinochengeta murau waKristu.

Makapembera Mwanakomana wenyu zvaairegerera matadzo. Tiwanireiwo kuregererwa kwamatadzo edu mugotitungamirira kutsudzunura vamwe nekuvasunungura.

Makatambudzika nokuda kwemaronda akatirirwa noMwanakomana wenyu kuti atiponese. Tibatsirei kusunga vane mwoyo yakavhunika nekupa chitarisiro kune vanotsikirirwa. 

Makapembera mukumuka kwoMwanakomana wenyu. Tiwanireiwo nyasha dzekutsunga munzira yake mazuva ose eupenyu hwedu tigopiwa nzvimbo kudenga.

Ndimi wekutanga pavadzidzi navatsvene vose. Tinovimba norudo nehanya dzenyu saamai. Tiwanireiwo nyasha dzose dzatinopanga kuti tizadzise urongwa hwaMwari muupenyu hwedu. 

Rangariro

Rangarirai imi Mariya mhandara tsvene izere nyasha, kuti hazvina kumbozikanwa nakare kose kuti makarambira avo vakatizira kwamuri vachida kubatsirwa kana kurevererwa nemi. Muchokwadi ichi, ndinotizira kwamuri imi mhandara tsvene, yemhandara tsvene dzose, imi amai vangu. Ndinouya ndichimira pamberi penyu, ndichirwadziwa namatadzo angu. Amai vaMwari, Izwi akava munhu, inzwaiwo kudemba kwangu, mundiitirewo tsitsi, mundidavirewo. Amen.

Kwaziwai Mariya…

Minamato yaVatendi

Mutungamiri: Tenzi Jesu Kristu, nezwi rakabva kuna Mariya, amai venyu, makasandura mvura ikava waini paKana muGarireya. Inzwai minamato yedu mugoguurira minyengetero yatiri kuita tichiremekedza Amai vedu voRubatsiro Rusingagumi. 

Mutungamiri: Ipai ungwaru neutsungarari kuvapikiri vose, vashandi vehurumende, Baba Vanoera (Papa) N….., mabhishopu edu navamwe vose vanotitungamirira, tinonamata:

Vose: Tinzweiwo, Tenzi, nomuna Mariya Amai vedu Mutungamiri: Ipai rugare, kubatana negoho rakanaka pasi pose, zvikuru munzvimbo dzine kupokana, hondo, gwandangwa neushayi, tinonamata: Vose: Tinzweiwo, Tenzi, nomuna Mariya Amai vedu

Mutungamiri: Ipai vakawanana nyasha dzeSakarAmenide ravo, madzimai navarume rudo runovasunganidza, vabereki nyasha dzekugamuchira nekukoshesa vana vavo, dzimba dzinemubereki mumwechete kubatana nesimba, uye rugare nemakomborero mudzimba dzedu dzose, tinonamata:

Vose: Tinzweiwo, Tenzi, nomuna Mariya Amai vedu Mutungamiri: Ipai vechikuru vedu vasiri muwanano kugutsikana mushevedzo yavo, kune vechidiki budiriro muvavariro dzavo nechivindi chekuita vafakazi vechitendero chavo, kuva vakwegura vedu simba, kuchengetedzwa nekugutsikana mumazuva avo, uye kune vakapatsanurana kana kurambana nyasha dzaMweya wenyu, tinonamata:  Vose: Tinzweiwo, Tenzi, nomuna Mariya Amai vedu Mutungamiri: Ipai vashandi chitendeseko mubasa ravo, chiremera muzvikwaniso zvavo, mufaro mune zvavanoita, muripo une ruenzaniso unoraramisa, uye vasina musevenzo vapei basa rinobhadhara, tinonamata:

Vose: Tinzweiwo, Tenzi, nomuna Mariya Amai vedu Mutungamiri: Ipai Sangano renyu vashandi vaunza goho – vapriste, vapikiri-kadzi, vapikirirume navatendi vasina kupikira vakarurama – vanozozvipira upenyu hwavo kuvatendi venyu, tinonamata: Vose: Tinzweiwo, Tenzi, nomuna Mariya Amai vedu Mutungamiri: Ipai upenyu husingaperi vashakabvu vose nenzvimbo mukubatana kwavatsvene, uko kuchapukutwa misodzi yose tichizokuonai, imi Mwari wedu, uso neuso, tinonamata:

Vose: Tinzweiwo, Tenzi, nomuna Mariya Amai vedu Mutungamiri: Ipai mumwe nemumwe wedu nyasha dzekuita ruenzaniso, rudo, tsitsi nekufamba nemi takazvirereka zuva roga roga roupenyu hwedu, nokuti chipi nechipi chatinoitira mumwe wehanzvadzi, mukoma kana munin’ina tinoitira imi, tinonamata: Vose: Tinzweiwo, Tenzi, nomuna Mariya

Amai vedu

Mutungamiri: Ngatinamatei

Vose: Mai voRubatsiro Rusingagumi, isu vanodaidza zita renyu rine simba guru, tinokutendai nenyasha dzatakagamuchira kuburikidza nokurevererwa nemi uye nekunzwa kwamunoita minamato yedu nhasi: ‘nokuti Mwari samasimba akaita zvinhu zvikuru nemunemi, uye nyasha dzaMwari dzinogara nokusingaperi kune vanomutya.’ Amen.

Chokomborero chokupedzisira Tenzi Jesu Kristu, Mwanakomana waMariya mai

voRubatsiro Rusingagumi ngaave nemi kuti akudzivirirei; mamuri kuti akuraramisei; mberi kwenyu kuti akutungamirirei; shure kwenyu kuti akuchengetedzei; napamusoro penyu kuti akukomborerei mazuva ose oupenyu hwenyu.

+Muzita raBaba neroMwanakomana neraMweya Mutsvene. Amen.

C. NOVENA MUSHURE MEMISA

Posted by MC on July 11, 2024
Posted in: Manovhena. Leave a comment

(Vose vanopfugama )

Mutungamiri: Ngatibatanei naVakristu venguva dzose mukurumbidza Mariya nokuzvipira kurudziviriro rwake.

Vose: Tinobhururukira kurubatsiro rwenyu, Amai Vatsvene vaMwari, susaramba zvichemo zvedu mubinduko redu, asi tisunungurei kunjodzi dzose, imi mhandara ine mukurumbira yakakomborerwa. Mutungamiri: Tinamatirei, amai vatsvene vaMwari. Vose: kuti tikodzere kuwana zvatakatsidzirwa naKristu.

Mutungamiri: Ngatinamatei

Vose: Tenzi Jesu Kristu, makatipa amai venyu, Mariya, kuti vave amai vedu, vakagadzirira kutibatsira nguva dzose: Itai kuti patinonamata pamberi pomufananidzo wavo, titendeke nguva dzose kunyasha dzatakawaniswa norufu nokumuka kwenyu. Upenyu hwazvinotiunzira ngaupe mbiri kwamuri pasi pano nekutipa isu rufaro rusingaperi kudenga! Amen.

Chiverengo

Rwiyo rwaMariya

Mutungamiri: Ngatichirumbidzai nokutenda Mwari namazwi akaiswa pamuromo paMariya. Ini ndinokurumbidzai Tenzi nomwoyo wangu wose, mweya wanguwo unopemberera Mwari muponesi wangu,

Nokuti akatarisa netsiye nyoro murandanhando wake, 

Chionai, kubvira zvino marudzi ose achanditi munatswi, 

Nokuti Samasimba akandiitira zvinhu zvikuru, zita rake rinoera. Anonzwira tsitsi avo vanomutya, kubvira chizvarwa nechizvarwa,  Anoita zvina masimba noruoko rwake,  anoparadza vanozvikudza nendangariro dzemwoyo yavo.

Anobvisa vanyamasimba pazvigaro zvavo,  achisimudzira vanhunhando. Vane nzara anovagutsa nezvinhu zvakanaka,  vapfumi anovaendesa vasina. Akabatsira Isiraeri muranda wake, sezvaakatsidzira madzibaba edu. Akayeukawo tsitsi dzake kuna Abhurahamu nokuna vedzinza rake  nemisi isingaperi.

Mutungamiri: Ngatinamateri

Vose: Amai Vatsene vaMwari, Mhandara inogara yakaropafadzwa, Mariya musina rutadzo, tinamatireiwo, musaramba kutibatsira.tine ruvimbo, uye tinoziva pachokwadi, kuti munowana zvose zvamunoda kubva kuMwanakomana wenyu, Tenzi wedu Jesu Kristu, mambo wenguva dzose, anogara nababa naMweya Mutsvene, nokusingaperi. Amen.

Mharidzo

Minamato yeNovena nguva ino

Tenzi Jesu Kristu, nezwi rakabva kuna Mariya, amai venyu, makasandura mvura ikava waini paKana muGarireya. Teererai vanhu venyu vaunganira kuzoremekedza amai vedu voRubatsiro Rusingagumi. Gamuchirai matendo edu orupfave. Mai vorubatsiro Rusingagumi, tinodana zita renyu rine simba zvakanyanya. Muri muchengeti (murindi) wavapenyu noruponeso rwavachakarofa. Zita renyu rinogara pamiromo yedu, zvikuru panguva yemiedzo napanguva yokufa kwedu. Zita renyu chitendeseko nesimba. Ngosigadzi yakakomborerwa, tibatsirei pose patinokudaidzai. Hatimbogutsikana nokungodenengudza zita renyu. Mararamiro edu mazuva ose achaparidza kuti muri Amai vedu voRubatsiro Rusingagumi zvechokwadi.

Rangariro

Rangarirai imi Mariya mhandara tsvene izere nyasha, kuti hazvina kumbozikanwa nakare kose kuti makarambira avo vakatizira kwamuri vachida kubatsirwa kana kurevererwa nemi. Muchokwadi ichi, ndinotizira kwamuri imi mhandara tsvene, yemhandara tsvene dzose, imi amai vangu. Ndinouya ndichimira pamberi penyu, ndichirwadziwa namatadzo angu. Amai vaMwari, Izwi akava munhu, inzwaiwo kudemba kwangu, mundiitirewo tsitsi, mundidavirewo. Amen.

Mutungamiri: Makaitirwesu, ngosikadzi, diziro Vose: mubatsiri muzvido zvedu nemumatambudziko edu.

Mutungamiri: Ngatinamatei

Vose: Tenzi vamasimba netsitsi,  makatipa kuti tiremekedze  mucherechedzo waamai venyu vakakomborerwa zvikuru  une zita rakakosha  rokuti “Rubatsiro Rusingagumi,” tipeiwo nenyasha dzenyu kuti pakati peshanduko dzose dzerwendo rweupenyu hwedu tidzivirirwe nerubatsiro  nechengetedzo inogara iripo yaMariya Mhandara isina Mhaka, kuti tikodzere kuwana mibayiro yoruponeso rusingagumi,  imi munogara nokutonga naMwari Baba makabatana naMweya Mutsvene/ nokusingaperi. Amen.

Zvinangwa zvapapa

Baba vedu … Kwaziwai Mariya … Vakudziwe baba …

Chikomborero nemunamato wavarwere

Mutungamiri: Ngatinamatei

Vose: Tenzi, tarirai varanda venyu vanodzvenda nokuda kweutera hwomuviri. Koshesai nokudzidzimura mweya yamakasika kuti, tacheneswa namatambudziko edu, tigochimbidzorapwa netsitsi dzenyu nomunaKristo Tenzi wedu. Amen. 

Mupriste anotambanudza ruoko rwake rworudyi akananga varwere Mupriste: 

Tenzi Jesu Kristu ngaave nemi kuti akudzivirirei; ave mamuri kuti akuraramisei; pamberi penyu kuti akutungamirirei; pashure penyu kuti akuchengetedzei; pamusoro penyu kuti akukomborerei +Muzita rababa neroMwanakomana neraMweya Mutsvene. Amen. 

Chikomborero neyukaristiya

Rwiyo rweyukaristiya (Tarisa papeji —-)

B. NOVENA NEMUNAMATO WAMANHERU

Posted by MC on July 11, 2024
Posted in: Manovhena. Leave a comment

Rwiyo

(Mucherechedzo unopindwa nawo uchinoturikwa nokupfungaidzirwa nechipfungautsi (incense) pachiimbwa.)

Mutungamiri: Mwari, uyai kuzotibatsira.

Vose: Tenzi, chimbidzai kuzotibatsira

Mutungamiri: Vakudziwe Baba noMwanakomana naMweya Mutsvene

Vose: sezvakanga zviri pakutanga, zvino nakare kwose nokusingaperi. Amen.

 nziyo

Daviro 1: Makakomborerwa imi Mariya, ruponeso rwapasi rwakabva nekwamuri; zvino mavakupemebera mumbiri muri pana Tenzi, tireverereiwo kumwanakomana wenyu (Areruya.) Nziyo 113 (112)

Imi veranda vaTenzi rumbidzai,  rumbidzai zita raTenzi!

Zita raTenzi ngarirumbidzwe Kubvira zvino kusvikira nokusingaperi! Kubvira kubuda kwezuva kusvika pakudoka kwaro, Zita raTenzi ngarirumbidzwe!

Tenzi ari pamusoro pamarudzi ose,

Mbiri yake inorumbidzwa kumosoro kwamatenga. Ndiani akaita saTenzi Mwari wedu Kumusoro ndokwaagere?

Anoita zvokukotamira pasi Kuti aone matenga napasi.

Anobvisa varombo muhuruva

Achisimudza vasina chavanacho kubva mudota

Achivagarisa namachinda,

Namachinda avanhu vake

Anopa mudzimai asina mbereko musha  Achimuita amai vavana vanofara.

Vakudziwe Baba noMwanakomana  naMweya

Mutsvene

Sezvakanga zviri pakutanga,  zvino nakare kwose nemisi isingaperi. Amen. Daviro 1: Makakomborerwa imi Mariya, ruponeso rwapasi rwakabva nekwamuri; zvino mavakupemebera mumbiri muri pana Tenzi, tireverereiwo kumwanakomana wenyu (Areruya.)

Daviro 2: Ndimi mbiri yeJerusaremu! Ndimi rufaro rweIziraeri! Ndimi ruremekedzo rwapamusoro-soro rwerudzi rwedu! (areruya).

Nziyo 147

Rumbidza Tenzi Jerusaremu; Rumbidza Mwari wako iwe Zioni.

Nokuti anosimbisa zvihuri zvemisuwo yako makuru Anokomborera vana vari mauri. Anopa nyika yako rugare, Anokugutsa nembeswa dzakanakisisa. Anotuma chirevo kunyika,

Shoko rake rinobva ramhanya nokukasika.

Anounza mazaya echado sewuru;

Anoparadzira mazaya echando chamangwanani sedota. Anokanda chimvura mahwe samavhinga; Ndiani angatirire chando chake.

Anongotaura izwi chete zvichibva zvanyungudika Anovhuvhutisa mhepo yake mvura ichibva yaerera. Akataura mazwi ake kune vekwaJakobho Nemirao nezvirevo zvake kuvaIziraeri. Haana kumboita zvakadai Norumwe rudzi.

Hazivi zvirevo zvake. 

Vakudziwe Baba noMwanakomana  naMweya

Mutsvene

Sezvakanga zviri pakutanga,  zvino nakare kwose nemisi isingaperi. Amen. Daviro  2:  Ndimi  mbiri  yeJerusaremu!  Ndimi  rufaro  rweIziraeri!  Ndimi  ruremekedzo rwapamusoro-soro rwerudzi rwedu! (Areruya).

Daviro 3: Makakomborerwa imi, Mwanasikana naTenzi Mwari wenyu; nemamuri tinogoverana hupenyu huzere (areruya).  Vakorose 1: 12-20

Nomufaro, tendai Baba, vakatikodzeresa kuva nomugove  wavarurami, muchiedza. Vakatinunura kuumambo hwerima  vakatiendesa muumambo hwomwanakomana wavo  wapamwoyo.

maari ndimo matakawana ruponeso  rwokuregererwa zvitadzo.

Ndiye mufananidzo waMwari asingaonekwi. Dangwe-rume rechisikwa chiri chose, zviri pasi nezviri kudenga, zvinoonekwa nezvisingaonekwi, kunyange vezvigaro zvokutanga kana voumambo  kana kuti vane ukuru-ukuru kana madzishe. Zvinhu zvose zvakasikwa nemaari Uye ndiye wazvakasikirwa. Nziye nyakutungamira zvinhu  zvinobatanidzwa zviri mumaoko ake. Ndiye musoro womuviri, musoro wesangano. Ndiye wokutanga dangwe-rume rakabva kuvafi, kuti muna zvose ave ndiye wokutanga-tanga Nokuti maari umwari huzere hwakafadzwa kuita musha wahwo. Uye nemaari, ayananise zvinhu zvose naye. achizviwadzanisa nemuchinjikwa wake, zvingae zviri pasi pano kana zviri kudenga.

Vakudziwe Baba noMwanakomana  naMweya

Mutsvene 

Sezvakanga zviri pakutanga, zvino nakare kwose nokusingaperi. Amen.

Daviro 3:  Makakomborerwa imi, Mwanasikana na-

Tenzi Mwari wenyu; nemamuri tinogoverana hupenyu huzere (areruya).

chiverengo mharidzo kana kugoverana shoko

rwiyo rwamariya

(Panenge           pachiimbwa      rwiyo    rwaMariya mucherechedzo wake ungaremekedzwa)

Daviro. Makakomborerwa imi Mariya nokuti makatendera kuti zvinhu zvose zvakataurwa kwamuri naTenzi zvichazadziswa (areruya).

Ini ndinokurumbidzai Tenzi nomwoyo wangu wose, mweya wanguwo unopemberera Mwari muponesi wangu, Nokuti wakatarisa netsiye nyoro murandanhando wake, 

Chionai, kubvira zvino marudzi ose achanditi munatswi,  Nokuti Samasimba akandiitira zvinhu zvikuru,  zita rake rinoera.

Anonzwira tsitsi avo vanomutya,  kubvira chizvarwa nechizvarwa,  Anoita zvina masimba noruoko rwake,  anoparadza vanozvikudza nendangariro dzemwoyo yavo. Anobvisa vanyamasimba pazvigaro zvavo,  achisimudzira vanhunhando. Vane nzara anovagutsa nezvinhu zvakanaka,  vapfumi anovaendesa vasina.

Wakabatsira Isiraeri muranda wake,  sezvaakatsidzira vadzibaba vedu.

Akayeukawo tsitsi dzake kuna Abhurahamu  nokuna vedzinza rake nemisi isingaperi.

Vakudziwe Baba noMwanakomana  naMweya Mutsvene

Sezvakanga zviri pakutanga,  zvino nakare kwose nokusingaperi. Amen.

Daviro. Makakomborerwa imi, Mwanasikana naTenzi Mwari wenyu; nomunemi tinogoverana hupenyu huzere (areruya).

(Mutungamiriri anozivisa vanhu chinangwa cheparishi)

Mutungamiri: Ngatirumbidzei Mwari Baba vakasarudza Mariya saamai veMwanakomana wavo vaidawo kuti zvizvarwa zvose zvimuti nyakukomborerwa. Nechivimbo ngatinamatei: Vose: Mhandara Mariya ngaatireverere.

Mutungamiri: Baba, makatarisa Mhandara Mariya mukamuita amai vetsitsi. Vose: Vose vari munjodzi ngavazive udzamu hwerudo rwake. Mutungamiri: Makadaidza Mariya kuti ave amai vemumba maJosefa naJesu.

Vose: Kuburikidza neminamato yavo batsirai vabereki vose kuti vaite dzimba dzavo nzvimbo dzerudo neutsvene.

Mutungamiri: Makapa Mariya simba rekumira munyasi memuchinjikwa mukamupenyesa nemufaro wekumuka muvafi.

Vose: Mutsai vanosuruvara mushandure upenyu hwavo nechitarisiro.

Mutungamiri: Mariya akanga ari murandasikana akatendeka akapfumbira mashoko enyu mumwoyo make.

Vose: Noruenzaniso rwake nokutireverera kwake itai kuti tive vadzidzi vechokwadi veMwanakomana wenyu, vakazvipira kumushandira.

Mutungamiri: Baba, makasimudzira Mhandara Mariya mukamugadza huhosi hwedenga Vose: Itai kuti vafi vapinde muhumambo hwenyu vagofara navatsvene venyu nokusingaperi.

Munamato weNovena

(Unoitwa navanhu vose)

Mai voRubatsiro Rusingagumi makanyaradza Mwanakomana wenyu Jesu paaive atarisana namarwadzo ake. Tava vana venyu vanodanwa kuti vatevere Jesu mudambudziko rake, rufu nekumuka kuupenyu utsva. Tinyaradzeiwo mutibatsire kuwana simba roMweya wake kuti tivake humambo hwake pakati pedu. Paanodzokazve mumbiri ngatipembererei nomufaro upenyu huzere pamwe nemhuri yaMwari nokusingaperi. Amen.

kukomborera vanorwara

Mutungamiri: Baba tinounza vose vari kurwara, mupfungwa kana mumuviri, zvikuru ava vatava kunamatira (…domai mazita avo…) komborerai vose nave mitoro inorema kuti mukucheneswa namarwadzo avo vawane kurapwa netsitsi dzenyu, nomunaKristu Tenzi wedu.

Vose: Ameni

Mutungamiri: Tinokutendai nebasa raJesu rokurapa richirimo muSangano. Tinonamatira vose vari pano vanoda kurapwa mupfungwa kana mumuviri. Vose: Ngavazive simba rokubata kwake kunorapa. Mutungamiri: Tinounza kwamuri  vose vari kurwara vakakumbira minamato yedu, navose vanotambura vane mitoro inorema.

Vose: Ngavawane zororo muna Jesu Mwanakomana wenyu.

Mutungamiri: Tinonamatira zvikuru vane urwere huchavasvitsa muchishamiso cherufu. Vose: Ngavawane rugare muna iye anogara nemi nokusingaperi makabatana naMweya Mutsvene, Mwari, narini narini. Amen.

Mupriste/mudhikoni

(Achitambanudza ruoko rwake pamusoro pegungano) 

Tenzi Jesu Kristu ngaave nemi kuti akudzivirirei; ave mamuri kuti akuraramisei; pamberi penyu kuti akutungamirirei; pashure penyu kuti akuchengetedzei; pamusoro penyu kuti akukomborerei

+Muzita rababa neroMwanakomana neraMweya Mutsvene.

Vose: Amen.

Munamato waTenzi Baba vedu muri kudenga zita renyu ngarinamatwe, umambo hwenyu ngausvike, kuda kwenyu ngakuitwe  pasi      sokudenga. 

Tipeiwo                  nhasi  kudya  kwedu  kwezuva.

Mutiregererewo zvatakakutadzirai,  sokuregerera  kwatinoita     vakatitadzira. Musatirege  tichiwira           mune zvi-

notiedza, asi mutinunure kune zvakaipa. Amen.

Munamato weNovena

Vose:   Tenzi Jesu verudo, makatipa kuti tiremekedze  mucherechedzo waamai venyu vakakomborerwa zvikuru une zita rakakosha rokuti ‘Rubatsiro Rusingagumi,’ tipeiwo nenyasha dzenyu kuti pakati peshanduko dzose dzerwendo rweupenyu hwedu tidzivirirwe nerubatsiro nechengetedzo inogara iripo yaMariya Mhandara isina Mhaka, kuti tikodzere kuwana mibayiro/ yoruponeso rusingagumi, imi munogara nokutonga naMwari Baba makabatana naMweya Mutsvene nokusingaperi. Amen.

Munamato wokukomborerwa

(Pamunamato wekukomborerwa SakarAmenide Dzvene ringa ringaburitswe nokupfugamirwa vanhu vozokomborerwa naro. Kana pasina pfugamiro munamato unotevera wekukomborerwa ungaitwe.)

(Vose vanopfugama)

+ Mwanakomana waMwari akazvarwa naMariya Mhandara yakakomborerwa kuti anunure marudzi avanhu. Zadzwai neupfumi hwemakomborero ake. Amen.

+ Nomuna Mariya mavambo ohupenyu hwose akakauya kwamuri. Rudo rwemwoyochena wake ngarwukumbundikirei nguva dzose. Amen. + Mauya semhuri kuzoremekedza Mariya pasi pano. Mweya womufaro ngauvenemi munzira yokuenda kumusha usina muguma. Amen. + Mwari vanamasimba ose ngavakukomborerei, Baba neMwanakomana naMweya Mutsene. Amen.

Maitiro epfugamiro papeji —

Rwiyo rwekupedzisira

A. Novena pasina Misa

Posted by MC on July 11, 2024
Posted in: Uncategorized. Leave a comment

Mucherechedzo unopindwa nawo uchinoturikwa nokupfungaidzirwa nechipfungautsi (incense) pachiimbwa. 

Kwaziso

Mutungamiri: Nyasha dzaTenzi wedu Jesu Kristu norudo rwaMwari Baba noruwadzano rwaMweya Mutsvene ngazvive nemi mose.

Vose: Ngazvive nomweya wenyu.

Mhinzo

Mutungamiri: Hama taungana semhuri yaVakristu Kukudza

Mwari Baba vakatikomborera nemakomborero ose emweya nomuna Kristu. Tinoshuvirawo kuremekedza Mariya amai vaKristu naamai veduwo voRubatsiro Rusingagumi. 

Vose: Tinotizira kurubatsiro rwenyu Amai Vatsvene vaMwari, musafuratire mikumbiro yedu pane zvatinoshaya asi tidzikinurei munjodzi dzose imi mhandara yakakomborerwa ine mbiri. 

Mutungamiri: Ngatinamatei Vose: Baba verudo, tinokutendai nomuenzaniso wechitendero noururami wamunotipa nguva dzose kuburikidza nevatsvene venyu. Tinokutendai naMariya anogara akagadzirira kutibatsira. Isu, saiye, ngatigarovavarira kuita kuda kwenyu kuti pamwe naye tizopinda mumbiri youmambo hwenyu; nomune Mwanakomana wenyu Jesu Kristu anogara nemi makabatana naMweya Mutsvene nokusingaperi. Amen. 

Chiverengo

(Chiverengo chinoteverwa nenguva yorunyararo)

Mharidzo kana kugoverana shoko

Kusuma mikumbiro

(Vose vanopfugama)

Mikumbiro inogona kuverengwa kubva mune yaiswa parukuva. 

Munamato weNovena

(Unoitwa navanhu vose)

Mai voRubatsiro Rusingagumi makanyaradza Mwanakomana wenyu Jesu paaive atarisana namarwadzo ake. Tava vana venyu vanodanwa kuti vatevere Jesu mudambudziko rake, rufu nekumuka kuupenyu utsva. Tinyaradzeiwo mutibatsire kuwana simba roMweya wake/ kuti tivake humambo hwake pakati pedu. Paanodzokazve mumbiri ngatipembererei nomufaro upenyu huzere pamwe nemhuri yaMwari nokusingaperi. Amen.

Ritani kuna Amai Mariya

Tenzi tinzwireiwo Tsitsi …  Tenzi tinzwireiwo tsitsi Kristu tinzwireiwo tsitsi …  Kristu tinzwireiwo tsitsi

Tenzi tinzwireiwo Tsitsi …  Tenzi tinzwireiwo tsitsi

Kristu tinzweiwo … Kristu tidavireiwo norupfave

Mwari Baba muri kudenga … Tinzwireiwo tsitsi Mwari Mwanakomana Mununuri wapasi …  Tinzwireiwo tsitsi

Mwari Mweya Mutsvene …  Tinzwireiwo tsitsi Utatu Hutsvene, Mwari Mumwechete …  Tinzwireiwo Tsitsi

Mariya Mutsvene … Tirevereiwo Mariya chiringiro chechitendero … 

Mariya muyenzaniso wechitarisiro … 

Mariya muyenzaniso worudo …  Chitarisiro chavarombo …  Simba ravakapfava … 

Nyaradzo yavanochema … 

Mubairo wavane tsitsi … 

Kupenya kwavakachena pamwoyo … 

Hurudziro yevasakisi vorugare … 

Tsigiro yavanoshungurudzwa …

Amai veSangano … 

Amai veparishi yedu … 

Amai vemhuri yedu … 

Amai vevana vedu … 

Amai vevabereki … 

Amai vanababa vezvomweya nemadhikoni … 

Amai vevanhu-kadzi nevanhu-rume vakapikira … 

Amai vorubatsiro rusingagumi … 

Hwayana yaMwari munobvisa matadzo apasi …

tiregereiwo Tenzi

Hwayana yaMwari munobvisa matadzo apasi … tidavireiwo norupfave Tenzi

Hwayana yaMwari munobvisa matadzo apasi … tinzwireiwo tsitsi Tenzi

Mutungamiri: Ngatinamatei

Vose:   Tenzi Jesu verudo, makatipa kuti tiremekedze mucherechedzo waamai venyu vakakomborerwa zvikuru une zita rakakosha rokuti ‘Rubatsiro Rusingagumi,’ tipeiwo nenyasha dzenyu kuti pakati peshanduko dzose dzerwendo rweupenyu hwedu tidzivirirwe nerubatsiro nechengetedzo inogara iripo yaMariya Mhandara isina Mhaka, kuti tikodzere kuwana mibayiro yoruponeso rusingagumi, imi munogara nokutonga naMwari Baba makabatana naMweya Mutsvene nokusingaperi. Amen.

Kukomborera vanorwara

Mutungamiri: Baba tinounza vose vari kurwara, mupfungwa kana mumuviri, zvikuru ava vatava kunamatira (…domai mazita avo…) komborerai vose nave mitoro inorema kuti mukucheneswa namarwadzo avo vawane kurapwa netsitsi dzenyu, nomunaKristu Tenzi wedu. Vose: Amen.

Mutungamiri: Tinokutendai nebasa raJesu rekurapa richirimo muSangano. Tinonamatira vose vari pano vanoda kurapwa mupfungwa kana mumuviri.

Vose: Ngavazive simba rokubata kwake kunorapa. Mutungamiri: Tinounza kwamuri vose vari kurwara vakakumbira minamato yedu, navose vanotambura vane mitoro inorema.

Vose: Ngavawane zororo muna Jesu Mwanakomana wenyu.

Mutungamiri: Tinonamatira zvikuru vane hurwere huchavasvitsa muchishamiso cherufu. Vose: Ngavawane rugare muna iye anogara nemi nokusingaperi makabatana naMweya Mutsvene, Mwari, narini narini. Amen.

Mupriste/mudhikoni

(Achitambanudza maoko ake akananga gungano)  Tenzi Jesu Kristu ngaave nemi kuti akudzivirirei; ave mamuri kuti akuraramisei; pamberi penyu kuti akutungamirirei; pashure penyu kuti akuchengetedzei; pamusoro penyu kuti akukomborerei; +Muzita rababa neroMwanakomana neraMweya Mutsvene.

Vose: Amen.

Kuremekedza mucherechedzo

(Rwiyo rwaMariya (papeji —) rungaimbwe

mucherechedzo uchipfungaidzirwa)

Munamato wokukomborera

(Pamunamato wekukomborerwa Sakaramende Dzvene ringa ringaburitswe nokupfugamirwa vanhu vozokomborerwa naro. Kana pasina pfugamiro munamato unotevera wekukomborerwa ungaitwe.)

(Vose vanopfugama.)

+ Mwanakomana waMwari akazvarwa naMariya Mhandara yakakomborerwa kuti anunure marudzi avanhu. Zadzwai neupfumi hwemakomborero ake. Amen.

+ Nomuna Mariya mavambo ohupenyu hwose akakauya kwamuri. Rudo rwemwoyochena wake ngarwukumbundikirei nguva dzose. Amen. + Mauya semhuri kuzoremekedza Mariya pasi pano. Mweya womufaro ngauvenemi munzira yokuenda kumusha usina muguma. Amen. + Mwari vanamasimba ose ngavakukomborerei, Baba neMwanakomana naMweya Mutsene. Amen.

Svondo 13 reGore B

Posted by MC on July 1, 2024
Posted in: Gore B, Mharidzo dzamasvondo. Leave a comment

Dama Rakanaka ranhasi rinotiratidza mararamiro. Munofunga kuti Jairosi zvaakaona kuti mwana wake wemakore gumi namaviri avekufa akanzwa sei? Anofanira kuva akaita zvose zvaaigona kuti mwana ararame asi hapana chakashanda.

Jairosi zvaanonzwa kuti Jesu ari munharaunda anoita hurongwa. Anosiya mwana ari panhowo yorufu navanhu vakamukomberedza oenda kuna Kristo. Anomukumbira kuti auye kuzotambanudza maoko pamusoro pemwana wake kuti ararame. Anoita hurongwa, ateedzera hurongwa hwake. Jesu anobvuma kuenda kunobatsira mwana asi vachiri munzira shoko rinosvika rokuti mwana hakuchina. Hurongwa hwaJairosi hunopinda mudondo.

Asi vanhu zvavanoti chirega kutambudza Tenzi mwana afa, Jesu anoti kuna Jairosi “Usatya. Iva nechitendero.” Izvi zvinogona kuva zvakatambudza Jairosi. Kuti ndigoita chitendero cherudzii chinodarika chandiinacho. Mwana wangu ashaya. Ndaifunga kuti muchamubatsira. Asi Jesu aiva nehumwe hurongwa. Hurongwa hwaJairosi hwakashaya basa. Asi hurongwa hwaJesu hwaizoshanda. Jairosi airongwa kuti mwana wake aporeswe asi Jesu aiva nechinangwa chekumutsa mwana.

Chidzidzo chekutanga ndechekuti tinofanira kuva nehurongwa. Tinofanira kutsvaga nzira dzokuti pave nechakanaka kwatiri nokuna vadikanwi vedu. Asi tinofanira kuzivawo zvekare kuti Mwari ane hurongwa nesu, hurongwa hunogona kuva hwakasiyana nehwedu.

Kana tichida basa hatifanire kungogara tinofanira kutsvaga basa tichienda kubvunzurudzo. Asi dzimwe nguva tinova nechitarisiro kuti bvunzurudzo yataita ichatiwanisa basa zvobva zvaenda nepamwe. Usatya. Iva nechitendero. Mwari ane humwe hurongwa newe.

Unogona kuva uri kutsvaga rudo, munhu wokugara naye kwohupenyu hwose. Unofanira kubatana nevamwe kuti usangane nemudiwa wako. Haufanire kungogara pamba usingapinde mumapoka. Asi dzimwe nguva tinozara nemufaro nechitarisiro tichifunga kuti tamuwana zvobva zvaenda nepamwe. Anenge asiri wedu. Jesu anoti usatya. Iva nechitendero. Ndine humwe hurongwa. Zvichaita chete.

Tinofanira kuva nehurongwa hwekugadzirisa zvinonetsa muhupenyu hwedu. Zvakakosha kutora matanho kuti zviroto zvedu zvizadziswe. Asi savatenderi tinoziva kuti Mwari anogona kuva nehumwe hurongwa husiri nyore kugamuchira. Chinotinyaradza ndechekuti hurongwa hwaJairosi pahwakaparara, paanoudzwa kuni mwana wako ashaya, Jesu aitofamba naye kuti amuratidze humwe hurongwa huri nani. Tinofanira kutendera kuti Jesu ari kufamba nesu. Kana hurongwa hwedu hwaparara tinotendeukira kwaari tichiti, “hurongwa hwangu hauna kushanda. Ndiratidzei humwe hurongwa huri nani.”